
CUMPARE MEU ISTIMADU

M'ammento galu de cussu momentu
chi in sa "domo" t'happo accattadu.
Chin medas atteros pigaia istentu
ma tue solu m'hasa conquistadu

Ammentendoti custu bellu eventu,
t'allego a tive, cumpare istimadu.
E chin meda dolore e sentimentu
ti dimando:" poithe mar lassadu?"

In donzi loghu intenden su lamentu
de chie su core tenet istraziadu.
Deo prego cada die a Santu Larentu!!
Perdonai!!! Cumpare meu istimadu!!

Piliruia musa (Fiorella Mannoia) in mente m'ha torradu
su momentu chi ballende in allegria
issa t'ha furau dae manu mia;
e chin cussa ti ke ses andadu

In mesu e tottus m'hasa abbandonadu,
commo ti lu naro indrinuccadu.
E deo prenghende soe un'attera ìa
chin sas fotos tuas c'happo in domo mia.

Cando in sa via chin Issa t'happo toppadu
s'istomagu meu s'est vortadu,
ki a 'ndommo a bolu soe torradu
e in bagnu tronos e lampos han sonadu

Cumpare meu de tassa, de mudanda e de lettu
ses istadu pro me un amigu piùs che caru.
Dia cherres su perdonu tuo derettu
e isettende su momentu mi sollazzo chin sa manu!!







CUMPARE MEU ISTIMADU

M'ammento galu de cussu momentu
chi in sa "domo" t'apo agatadu.
Cun medas àteros pigaia istentu
ma tue solu m'as conchistadu

Ammentende·ti custu bellu eventu,
t'allego a tie, cumpare istimadu.
E cun meda dolore e sentimentu
ti dimando:" proite m'as lassadu?"

In d'ogni logu intendent su lamentu
de chie su coro tenet istratzadu.
Deo prego cada die a Santu Larentu!!
Perdonade, cumpare meu istimadu!!

Piliruja musa (Fiorella Mannoia) in mente m'at torradu
su momentu chi ballende in allegria
issa t'at furadu dae manu mia;
e cun cussa ti nche ses andadu

In mesu 'e totus m'as abbandonadu,
como ti lu naro indrinucadu.
E deo prenghende soe un'àtera bia
cun sas fotos tuas nch'apo in domo mia.

Cando in sa bia cun Issa t'apo addobiadu
s'istòmagu meu s'est bortadu,
chi a domo a bolu so torradu
e in bagnu tronos e lampos ant sonadu

Cumpare meu de tassa, de mudanda e de letu
ses istadu pro me unu amigu prus che caru.
Dia chèrrere su perdonu tuo deretu
e isetende su momentu, mi sollatzo cun sa manu!!
